I blant må ein berre slutte å vere politisk, og gjere det som er rett!

Facebookinnlegg av dr. Scott Jensen

den 24. juni, 2021

Eg har gått kraftig ut mot den haldninga at vi må skunde oss å få tenåringane og barna våre vaksinerte. Dette er ei gruppe med 0% statistisk sjanse for å døy av COVID-19. Myokarditt var eit problem som opptok meg så sterkt at eg la inn ei eidsvoren erklæring der eg bad om eit midlertidig forbod mot slik aggressiv pådytting frå dei føderale styresmaktene si side. I blant må ein berre slutte å vere politisk, og gjere det som er rett. Vi trengde BALANSE!

Eg er redd vi no berre ser toppen av isfjellet!

Amputert transkripsjon av videoen som kan sees her:

Hei, eg er doktor Scott Jensen, og eg stiller til val for å bli Minnesotas neste guvernør. Vi kan gå tilbake 15 månadar. Veit du kva som har skjedd? Vi har hatt politikarar og byråkratar som har fortald oss: «Vi stenger ned forretninga di», «Vi avgjer om du kan få betale rekningane dine eller ikkje». Frå dét gjekk det til: «Hald deg innandørs. Du får ikkje gå ut». Igjen og igjen skjer desse tinga. Så blir vi fortalde: «Du må bruke maske». Så blir vi fortalde: «Barna dine får ikkje gå på skulen». Så blir vi fortalde: «Pasientar på pleieheimar må halde seg der.» Familien kan ikkje besøke dei. Ein må døy i einsemd. Ærleg talt, det er berre det eine etter det andre. Og på toppen av alt kjem så vaksinen.

For litt over ein månad sidan gjekk eg ut og sa: Det er eit problem her. Vi ser tilfelle av myokarditt [betennelse i hjartemuskelen, mrk.]. Vi ser ting som skjer. Barna våre, som har ein statistisk sjanse på null prosent for å døy av Covid-19, kjem til å bli skadde av eit overaggressivt, ikkje-godkjent, eksperimentelt vaksinasjonsprogram.

Faktisk gjorde eg meir enn å berre seie det; eg sende inn ei erklæring til frontlinjedoktorane der eg bad om at dei måtte halde tilbake på vaksineringa temporært (på vegne av Federal Health and Human Services Committee) med tanke på senkinga av alderen på vaksinemottakarar. Folk i mitt eige parti sa «Eg veit ikkje om dét er så lurt av dr. Jensen å gjere», men veit du, i blant må du berre slutte å vere politisk, og berre gjere det som er rett. (Vår uthevning).

Ærleg talt så gir det meg ingen glede å seie dette, men vi har barn som lir av myokarditt, og vi har hatt nokre dødsfall. Og kva det enn er vi no ser, så er det berre toppen av isfjellet. Og veit du, det er ikkje berre myokarditt, det er óg perikarditt[betennelse i hjarteposen, mrk.], sekken rundt hjartet. Denne tingen blomstrar og eksploderer. Vi har tusentals dødsfall rapporterte til VAERS-programmet [Vaccine Adverse Event Reporting System, rapporteringssystem for vaksinebivirkningar, drive av CDC] som indikerer at det er eit sterkt samband mellom vaksinen og dødsfall, særleg hos barn. 

Folkens, eg hatar å seie det, men eg hadde rett. Myokarditt er eit problem, og vi invaderer og skadar og øydelegg mange barn sine liv. Eg vil utfordre media til berre ein gong å legge ut på forsida eit 14 år gamalt barn i sjukehussenga med leidningar stikkande ut av kvar kroppsopning. Vis det, slik de gjorde med folk med Covid-19. Vis fram den 14-åringen som døyr av myokarditt, som ikkje trengde vaksinen, men vart tyrannisert til å ta den.

Folkens, kva med litt balanse? Takk.

Omsett av Monica Sortland